Slóvenski strákurinn í sögubækurnar
Setja bókamerki
Slóveninn ungi Luka Doncic heldur áfram að fara á kostum með Dallas Mavericks í NBA-deildinni í körfuknattleik og í nótt var það lið Detroit Pistons sem varð fyrir barðinu á þessum magnaða körfuboltamanni.
Leikur liðanna var spilaður í Mexíkóborg og Doncic varð fyrsti leikmaðurinn í sögu NBA til að skora þrefalda tvennu í deildarleik utan Bandaríkjanna og Kanada. Hann skoraði 41 stig, tók 12 fráköst og átti 11 stoðsendingar í sigri Dallas, 122:111.
Doncic er líka fyrsti leikmaðurinn til að skora tvisvar 40 stiga þrefalda tvennu í NBA áður en hann verður 21 árs gamall.
Kevin Love skoraði 30 stig og tók 17 fráköst fyrir Cleveland sem vann San Antonio Spurs í framlengdum leik á útivelli, 117:109.
Boston Celtics tapaði í fyrsta skipti á heimavelli í vetur eftir að hafa unnið fyrstu tíu leikina, 109:115 gegn Philadelphia 76ers. Joel Embiid skoraði 38 stig og tók 13 fráköst fyrir Philadelphia en Kemba Walker skoraði 29 stig fyrir Boston.
Úrslitin í nótt:
Boston - Philadelphia 109:115
San Antonio - Cleveland 109:117 (eftir framlengingu)
Detroit - Dallas 111:122
Denver - Portland 114:99
Nauðgaði kærustu sinni og tók það upp
Spursmál: Fyrsta stóra viðtal Katrínar
Myndskeið: Segjast hafa skotið niður sprengjuflugvél
Færa slökkviliðið til nútímans
Hyggjast leyfa fólki að skoða gosið
„Búið að vera í dreifingu í einhvern tíma“
Segjast ekki vera á kaldri slóð