Leicester Riders vann 74:68-sigur á Sheffield Hatters á heimavelli í bresku A-deildinni í körfubolta í kvöld. Sara Rún Hinriksdóttir átti góðan leik fyrir Leicester, annan daginn í röð.
Sara skoraði 18 stig í 68:73-tapi fyrir Manchester Mystics í gær og í dag skoraði Keflvíkingurinn 19 stig og tók 4 fráköst.
Leicester-liðið er í fimmta sæti deildarinnar með sex sigra og tvö töp í átta leikjum.