Rússneska liðið UNICS Kazan vann öruggan 94:69-heimasigur á Galatasaray frá Tyrklandi í Evrópubikar karla í dag.
Haukur Helgi Pálsson átti fínan leik fyrir Kazan og skoraði tíu stig, tók eitt frákast, gaf eina stoðsendingu og stal einum bolta.
Kazan er með tvo sigra og eitt tap í fyrstu þremur leikjum sínum í milliriðli, en efstu tvö sætin gefa þátttökurétt í útsláttarkeppninni. Haukur og félagar mæta Galatasaray á útivelli næstkomandi þriðjudag í næsta leik sínum í keppninni.