Einn reyndasti körfuboltadómari landsins, Leifur Garðarsson, dæmir að líkindum ekki meira á þessu keppnistímabili.
Leifur greindi frá því á samfélagsmiðlum að leiktíðinni sé væntanlega lokið hjá sér vegna meiðsla.
„Meiðsli hafa áhrif í lífi og leik jafnt líkamlega en ekki síður andlega. Á síðasta dómaratímabili meiddist ég illa í kálfa og var lengi frá. Nú glími ég við erfið meiðsli í nárafestum. Leiktíðinni er því lokið,“ skrifaði Leifur á Facebook.
Leifur hefur langa reynslu sem dómari og hefur dæmt ófáa úrslitaleikina og bikarúrslitaleikina í gegnum árin.