Vanessa Bryant er að ganga í gegnum afar erfiða tíma en hún missti eiginmann sinn, Kobe Bryant, og þrettán ára dóttur sína, Gigi, í þyrluslysi 26. janúar síðastliðinn. Bryant er á meðal sigursælustu körfuknattleiksleikmanna sögunnar en alls fórust níu í þyrluslysinu í Calabasas í Kaliforníu í Bandaríkjunum.
„Mér hefur gengið erfiðlega að koma tilfinningum mínum í orð að undanförnu,“ sagði Vanessa á samfélagsmiðlinum Instagram í dag. „Heilinn neitar að sætta sig við missi Kobes og Gigi. Ég á erfitt með að átta mig á þessu á sama tíma og ég er að reyna að sætta mig við þá staðreynd að Kobe er farinn.
Líkami minn neitar að sætta sig við að ég muni aldrei sjá Gigi aftur. Hvernig á ég að vakna á hverjum morgni þegar dóttir mín fær aldrei það tækifæri aftur! Ég er svo reið því hún átti allt lífið fram undan. Ég veit að ég þarf að vera sterk fyrir hinar þrjár dætur mínar. Ég er reið yfir því að Kobe og Gigi séu farin en þakklát fyrir að hafa Nataliu, Biönku og Capri ennþá hjá mér,“ bætti Bryant við.
View this post on InstagramA post shared by Vanessa Bryant 🦋 (@vanessabryant) on Feb 10, 2020 at 11:14am PST