Körfuknattleiksmaðurinn Martin Hermannsson fær mikið lof fyrir frammistöðu sína í sigurleik Alba Berlín gegn Zenit Pétursborg í Rússlandi í kvöld í Evrópudeildinni, Euroleague, en Alba vann þar góðan sigur, 83:81, eins og fram kom fyrr í kvöld.
Morgenpost.de segir í umfjöllun sinni um leikinn að Martin hafi borið af í liði Alba, hafi staðið upp úr í baráttuglöðu liði nýkrýndu bikarmeistaranna, enda var hann stigahæstur með 24 stig, fjórtán þeirra í fyrri hálfleik, og með flestar stoðsendingar allra, sjö talsins.
Afrek Alba er sagt mikið vegna þess hve marga leikmenn vantaði en fimm voru fjarverandi vegna meiðsla. „Ég er stoltur af liðinu, það eru svo margir meiddir,“ segir Martin við Morgenpost.de.
Trotz fünf Ausfällen verletzter Spieler setzt sich Pokalsieger Alba Berlin auch in der Euroleague bei Zenit St. Petersburg 83:81 durch. https://t.co/cte5itydAi pic.twitter.com/7wqVDf7kd9
— MORGENPOST / Alba (@BMOnline_alba) February 20, 2020