Christian Wood, leikmaður Detroit Pistons í NBA-deildinni í körfubolta, er búinn að ná fullum bata eftir að hafa smitast af kórónuveirunni. Umboðsmaðurinn hans staðfesti tíðindin við WZYZ-útvarpsstöðina.
Wood varð þriðji leikmaður deildarinnar til að smitast á eftir þeim Donovan Mitchell og Rudy Gobert hjá Utah Jazz. Síðan þá hafa fleiri greinst með veiruna, m.a leikmenn Brooklyn Nets og Los Angeles Lakers.
Ekkert er leikið í NBA-deildinni um þessar mundir vegna veirunnar, en vonir standa til að hún geti farið af stað af ný innan skamms og yrði þá fyrst um sinn leikið án áhorfenda.