Körfuknattleiksdeild Þórs Þorlákshafnar og Friðrik Ingi Rúnarsson hafa komist að samkomulagi um að slíta samstarfinu vegna þeirrar óvissu sem nú ríkir í samfélaginu. Hafnarfréttir greindu frá.
Friðrik tók við þjálfun Þórs af Baldri Þór Ragnarssyni fyrir tímabilið og var liðið í níunda sæti Dominos-deildarinnar þegar tímabilið var blásið af vegna kórónuveirunnar.
Friðrik Ingi er 52 ára gamall Njarðvíkingur og þrautreyndur þjálfari. Hefur hann unnið titla með Njarðvík og Grindavík auk þess að þjálfa íslenska landsliðið. Hann stýrði Keflavík frá 2016 til 2018.