Ármann hefur ákveðið að senda lið til keppni í 1. deild kvenna í körfuknattleik á næstu leiktíð en það var Karfan.is sem greindi fyrst frá þessu. Ármann var síðast með lið í 1. deildinni árið 2018 en Karl H. Guðlaugsson mun stýra liðinu á komandi keppnistímabili.
Frestur til þess að skrá lið til keppni rann út um mánaðarmótin maí/júní en Stjarnan og ÍR verða einnig með lið í 1. deildinni. Þá munu Hamar og Þór tefla fram sameiginlegu liði og því ljóst að sjö lið munu leika í 1. deild kvenna á næstu leiktíð.