Körfuknattleikssamband Íslands hefur birt drög að leikjaniðurröðun fyrir næsta keppnistímabil í efstu deild karla og kvenna á Íslandsmótinu.
Stefnt er að því að hefja leik í efstu deild kvenna hinn 23. september. Deildameistararnir í Val heimsækja Breiðablik í Smárann og tvö af sigursælustu kvennaliðum landsins, Keflavík og KR, eigast við.
Efsta deild karla hefst hinn 1. október. Fyrsta verkefni Finns Freys Stefánssonar sem þjálfara Vals verður að taka á móti öflugu liði Stjörnunnar á Hlíðarenda.
Fyrsti leikur Darra Freys Atlasonar með hið sigursæla lið KR verður á heimavelli gegn Njarðvík.