Euroleague, stærsta félagsliðakeppnin í körfuboltanum fyrir utan NBA, birtir í dag skemmtilegt myndskeið af Martin Hermannssyni sem mun leika með Valencia í Euroleague í vetur.
Þar sýnir KR-ingurinn fótboltatakta með körfubolta á tánum og búningi Valencia eins og sjá má í meðfylgjandi myndskeiði.
„Martin Hermannsson getur allt“ er skrifað í færslunni en auk þess er Twittersíða knattspyrnulið Valencia merkt með eftirfarandi skilaboðum:
„Ef ykkur hjá Valencia FC vantar skyndilega mann á lánssamningi þá þurfið þið ekki að leita langt yfir skammt.“
.@hermannsson15 can do it ALL ⚽️ 🏀 @valenciacf_en if you guys need an emergency loan during the season, you don’t have to look very far 😉#EUROLEAGUEUNITED pic.twitter.com/VRS0rr1WAo
— Turkish Airlines EuroLeague (@EuroLeague) September 11, 2020
Martin lék knattspyrnu með KR í yngri flokkunum og starfaði sem ungur maður á þjóðarleikvanginum Laugardalsvelli. Hann hefur áður vakið athygli fyrir knattspyrnutakta því í landsleik í fyrra lagði hann boltann fyrir sig með enninu í hraðaupphlaupi. Myndband af þeim tilþrifum fór víða á internetinu.