Zaragoza, lið Tryggva Snæ Hlinasonar, átti slæman dag í spænsku ACB-deildinni í körfuknattleik í dag þegar liðið tók á móti Unicaja Málaga.
Gestirnir frá Malaga unnu stórsigur 92:64 en Zaragoza átti ekki möguleika í síðari hálfleik en jafnt var að loknum fyrri hálfleik 37:37.
Tryggvi lék í 17 mínútur og skilaði 8 stigum og einu frákasti en varði auk þess tvö skot.
Zaragoza gekk vel á síðasta tímabili en byrjun á þessu tímabili er áhyggjuefni fyrir liðið en það hefur aðeins unnið tvo af fyrstu sex leikjunum. Unicaja Malaga er í 10. sæti deildarinnar en Zaragoza í 14. sæti af 19 liðum.