Arnar Freyr Jónsson, fyrrverandi leikmaður Keflavíkur og Grindavíkur, í úrvalsdeildinni í körfuknattleik átti met í dönsku úrvalsdeildinni í átta ár.
Netmiðillinn Karfan.is vekur athygli á þessu í áhugaverðri frétt. Þar kemur fram að met Arnars yfir flestar stoðsendingar í leik í dönsku deildinni hafi verið slegið á dögunum þegar Marius Sörensen gaf 25 stoðsendingar á samherja sína í leik með Bears Academy.
Er það ævintýralega mikið og stórbætti hann metið en Arnar gaf 16 stoðsendingar í leik með Árósum gegn Álaborg árið 2012.
Uppfært kl 11:42: Mbl.is barst ábending sem setur fréttina í betra samhengi. Leikinn sem Sörensen spilaði þurfti að þríframlengja. Leikinn sem Arnar Freyr spilaði þurft að framlengja einu sinni.