Elvar Már Friðriksson var með tvöfalda tvennu í 94:88-útisigri Siauliai á Neptunas í litháíska körfuboltanum í dag og unnu Elvar og félagar þar afar dýrmæt stig í botnbaráttu deildarinnar.
Elvar skoraði 11 stig, tók 11 fráköst og gaf þrjár stoðsendingar á þeim rúmu 30 mínútum sem hann spilaði er Siauliai vann aðeins sinn þriðja leik á tímabilinu en tólf umferðir eru liðnar. Liðið er í 10. og neðsta sæti deildarinnar en Neptunas er í 8. sæti með fjóra sigra.
Liðin mættust fyrr í vikunni í fyrri viðureign sinni í bikarkeppninni og töpuðu Elvar og félagar þar 91:76 á heimavelli. Liðin mætast aftur á heimavelli Neptunes eftir viku í síðari bikarviðureigninni.