Fimm lið efst og jöfn eftir sigur Vals í kvöld
Setja bókamerki
Fimm lið eru jöfn og efst í úrvalsdeild kvenna í körfuknattleik, Dominos-deildinni, eftir að Valur lagði Hauka að velli í lokaleik dagsins á Ásvöllum í Hafnarfirði í kvöld, 74:64.
Valskonur voru yfir eftir fyrsta leikhluta, 17:13 og í hálfleik var staðan 44:35. Haukar jöfnuðu metin í þriðja leikhluta en Valur sigldi fram úr á ný og hélt Haukum nægilega langt frá sér á lokasprettinum.
Valur, Haukar, Fjölnir, Skallagrímur og Keflavík eru nú öll með 6 stig en hafa ýmist leikið þrjá, fjóra eða fimm leiki. Keflvíkingar eru eina ósigraða liðið í deildinni.
Helena Sverrisdóttir var með 20 stig og 11 fráköst fyrir Val á sínum gamla heimavelli og þær Kiana Johnson og Guðbjörg Sverrisdóttir skoruðu 16 stig hvor.
Alyesha Lovett skoraði 14 stig fyrir Hauka og Eva Margrét Kristjánsdóttir 12.
Gangur leiksins: 2:6, 8:9, 8:15, 13:17, 17:21, 27:31, 32:38, 35:44, 35:51, 41:52, 44:53, 48:53, 51:53, 55:57, 56:62, 64:74.
Haukar: Alyesha Lovett 14/6 fráköst, Eva Margrét Kristjánsdóttir 12/6 fráköst, Rósa Björk Pétursdóttir 10/4 fráköst, Lovisa Bjort Henningsdottir 9/7 fráköst, Bríet Sif Hinriksdóttir 6, Þóra Kristín Jónsdóttir 5/6 fráköst, Irena Sól Jónsdóttir 5, Elísabeth Ýr Ægisdóttir 3.
Fráköst: 26 í vörn, 9 í sókn.
Valur: Helena Sverrisdóttir 20/12 fráköst, Kiana Johnson 16/6 fráköst, Guðbjörg Sverrisdóttir 16, Hildur Björg Kjartansdóttir 11/6 fráköst, Hallveig Jónsdóttir 5, Ásta Júlía Grímsdóttir 4/14 fráköst, Eydís Eva Þórisdóttir 2.
Fráköst: 31 í vörn, 12 í sókn.
Dómarar: Davíð Tómas Tómasson, Jóhann Guðmundsson, Birgir Örn Hjörvarsson.
Hönnun sem bætir líf manna
Fara ekki lengur fram á einangrun yfir Davíð
Bifreið ekið á skrifstofu Útlendingastofnunar
Handtekin eftir að tvö börn fundust látin
Íslendingar ein mest einmana þjóð heims
Tapa fimm milljónum á dag
Búið að bólusetja börn alla helgina