Utah Jazz er í miklu stuði í NBA-deildinni í körfuknattleik um þessar mundir og vann í nótt níunda sigurinn í röð.
Utah fékk New York Knicks í heimsókn og skipti engu máli þótt New York væri með fimmtán stiga forystu um tíma. Utah vann 108:94 þrátt fyrir það.
Royce O´Neale var stigahæstur hjá Utah með 20 stig en Austin Rivers skoraði 25 stig fyrir New York.
Athyglisvert er að Utah var með 50% árangur eftir fyrstu átta leikina en hefur síðan þá unnið níu í röð eða þrettán af sautján leikjum til þessa. Sem stendur virðist liðið ætla að halda í við Los Angeles liðin tvö sem hafa byrjað mjög vel.
Úrslit:
Utah - New York 108:94
Atlanta - LA Clippers 108:99
Houston - Washington 107:88