Njarðvík tekur á móti Grindavík í kvöld í Dominos-deild karla í körfuknattleik og hefur liðið þá fengið báða nágranna sína í heimsókn í deildinni á innan við viku.
Njarðvík tapaði fyrir Keflavík 77:90 síðasta föstudagskvöld en þétt er nú leikið í deildinni og í millitíðinni sótti liðið tvö stig á Hlíðarenda.
Fjórir leikir eru á dagskrá í kvöld og hefjast þrír þeirra klukkan 19:15 en einn klukkan 20:15.
Leikir kvöldsins:
Njarðvík - Grindavík 19:15
Þór Akureyri - Tindastóll 19:15
Valur - Höttur 19:15
KR - Þór Þorlákshöfn 20:15