Körfuboltamaðurinn Bradley Beal skoraði 35 stig er botnlið austurdeildarinnar í NBA, Washington Wizards, vann 104:91-sigur á Boston Celtics í kvöld. Boston er nú búið að tapa tveimur í röð og fjórum af síðustu fimm leikjum sínum.
Beal skoraði 35 stig, tók sjö fráköst og gaf fimm stoðsendingar er Washington batt enda á tveggja leikja taphrinu. Liðið er á botni deildarinnar með aðeins sjö vinninga í 24 leikjum. Boston er í 4. sæti deildarinnar með 13 sigra í 26 leikjum en Jaylen Brown og Kemba Walker voru stigahæstir gestanna, skoraðu báðir 25 stig.