Sóknarlína Brooklyn fór á kostum – Utah óstöðvandi
Setja bókamerki
Fimm leikir fóru fram í gærkvöldi og í nótt í NBA-deildinni í körfuknattleik. Brooklyn Nets sýndi fram á gífurlegan styrk sinn í sóknarleiknum í sigri gegn Golden State Warriors. Þá heldur Utah Jazz áfram að vinna.
Brooklyn vann 134:117 sigur gegn Golden State og vakti athygli hversu vel stigaskorun dreifðist á leikmenn Brooklyn. Þannig skoraði Kyrie Irving 23 stig, Kevin Durant 20 stig, James Harden 19, Bruce Brown 18, Joe Harris 15 og Jeff Green 14. Harden náði auk þess tvöfaldri tvennu með því að taka 16 fráköst að auki.
Í liði Golden State var Steph Curry stigahæstur eins og hans er von og vísa en hann skoraði 27 stig. Samherji hans Kelly Oubre Jr. náði tvöfaldri tvennu með 17 stig skoruð og 10 fráköst.
Þá vann Utah enn einn sigurinn á tímabilinu þegar liðið lagði Miami Heat 112:94.
Donovan Mitchell var einu sinni sem áður stigahæstur í liði Utah með 26 stig.
Utah hefur nú unnið 22 af 27 leikjum sínum á tímabilinu.
Öll úrslit kvöldsins og næturinnar:
Golden State Warriors – Brooklyn Nets 117:134
Utah Jazz – Miami Heat 112:94
Phoenix Suns – Philadelphia 76ers 120:111
New York Knicks – Houston Rockets 121:99
Atlanta Hawks – Indiana Pacers 113:125
Segir nýtt frumvarp gefa eldisfyrirtækjum auðlindir
Fiskikóngurinn: „Mér fannst sárt að heyra það“
Sáttur við sína stöðu og finnur fyrir meðbyr
„Þetta er pínu óvanaleg staða“
Íslendingar ein mest einmana þjóð heims
„Þetta náttúrulega endar með ósköpum“
Katrín: Jóhönnustjórnin talaði máli Íslands