Lettinn knái Kristaps Porzingis náði tvöfaldri tvennu og lék afar vel í sigri Dallas Mavericks gegn Milwaukee Bucks í NBA-deildinni í körfuknattleik í nótt.
Porzingis gerði 26 stig og tók 17 fráköst í 116:101 sigri Dallas. Liðsfélagi hans, Slóveninn Luka Doncic, átti sömuleiðis góðan leik og var stigahæstur í leiknum með 27 stig, auk þess að taka níu fráköst og gefa níu stoðsendingar.
Maður næturinnar var þó Chris Boucher í liði Toronto, en hann náði tvöfaldri tvennu þar sem hann skoraði 38 stig og tók 19 fráköst í 113:122 tapi liðsins gegn Chicago Bulls.
Fimm leikir til viðbótar fóru fram í NBA-deildinni í nótt.
Öll úrslit næturinnar:
Dallas – Milwaukee 116:101
Toronto – Chicago 113:122
Miami – LA Lakers 110:104
Oklahoma – Cleveland 102:129
Utah – Portland 122:103
LA Clippers – Phoenix 113:103
Sacramento – Detroit 101:113