Íþróttir | Körfubolti | mbl | 15.4.2021 | 8:07 | Uppfært 8:48

Flautukarfa Doncic réð úrslitum

Luka Doncic fagnar í Memphis í nótt. AFP

Luka Doncic reyndist hetja Dallas Mavericks þegar liðið heimsótti Memphis Grizzlies í bandarísku NBA-deildinni í körfuknattleik í nótt.

Doncic tryggði sínu liði sigur með flautukörfu en leiknum lauk með eins stigs sigri Dallas, 114:113.

Memphis-menn voru sterkari í fyrri hálfleik og var staðan 60:57, Memphis í vil, í hálfleik.

Memphis jók forskot sitt um þrjú stig í þriðja leikhluta en Dallas tókst að koma til baka í fjórða leikhluta og innbyrða sigur.

Dallas er í sjöunda sæti Vesturdeildarinnar með 30 sigra en Memphis er í áttunda sæti Vesturdeildarinnar með 27 sigra.

Úrslit næturinnar í NBA:

Chicago Bulls 106:115 Orlando Magic
Detroit Pistons 98:100 Los Angeles Clippers
New Orleans Pelicans 106:116 New York Knicks
Houston Rockets 124:132 Indiana Pacers
Oklahoma City Thunder 109:147 Golden State Warriors
Memphis Grizzlies 113:114 Dallas Mavericks
Denver Nuggets 123:106 Miami Heat
Sacramento Kings 111:123 Washington Wizards
Toronto Raptors 117:112 San Antonio Spurs
Charlotte Hornets 90:103 Cleveland Cavaliers
Philadelphia 76ers 123:117 Brooklyn Nets
Minnesota Timberwolves 105:130 Milwaukee Bucks