Þrátt fyrir forföll í leikmannahópnum náði Brooklyn Nets að halda út og landa naumum útisigri á New Orleans Pelicans, 134:129, í NBA-deildinni í körfuknattleik í nótt.
Kyrie Irving var í aðalhlutverki og skoraði 32 stig fyrir Brooklyn sem er einum sigurleik á eftir Philadelphia 76ers á toppi Austurdeildarinnar. Bæði lið hafa unnið 39 leiki en Philadelphia á leik til góða. Hinn ungi Zion Williamsson skoraði 33 stig fyrir New Orleans sem er í ellefta sæti Vesturdeildar en tíu fyrstu liðin komast í úrslitakeppnina að þessu sinni.
Spennuleikur næturinnar var í Portland þar sem LA Clippers knúði fram sigur, 113:112. Paul George skoraði 33 stig fyrir Clippers sem fylgir Utah og Phoenix eftir á toppi Vesturdeildarinnar.
Úrslitin í nótt:
Atlanta – Orlando 112:96
New York – Charlotte 109:97
New Orleans – Brooklyn 129:134
Portland – LA Clippers 112:113
Sacramento – Minnesota 120:134