Martin drjúgur í mikilvægum sigri

Martin Hermannsson skoraði 11 stig í dag.
Martin Hermannsson skoraði 11 stig í dag. Ljósmynd/@YarisahaBasket

Martin Hermannsson skoraði 11 stig fyrir Valencia þegar liðið vann fjórtán stiga sigur gegn Murcia í efstu deild Spánar í körfuknattleik í Murcia í dag.

Leiknum lauk með 80:66-sigri Valencia en Martin gaf einnig fjórar stoðsendingar í leiknum ásamt því að taka þrjú fráköst en hann lék í 21 mínútu.

Valencia leiddi með fjórtán stigum í hálfleik, 44:28, og var með frumkvæðið í leiknum allan síðari hálfleikinn.

Valencia er í fimmta sæti deildarinnar með 42 stig og öruggt með sæti í úrslitakeppni deildarinnar þegar fjórar umferðir eru eftir af deildarkeppninni.

mbl.is