Pascal Siakam og Kyle Lowry fóru báðir á kostum þegar Toronto Raptors lagði LA Lakers í NBA-deildinni í körfuknattleik í nótt.
Báðir voru þeir með tvöfalda tvennu og báðir skoruðu þeir tæplega 40 stig.
Siakam gerði 39 stig og tók 13 fráköst á meðan Lowry skoraði 37 stig og gaf 11 stoðsendingar í 121:114 sigri í Los Angeles í nótt.
Í liði Lakers kom Kyle Kuzma inn af bekknum og gerði 24 stig og á eftir honum komu LeBron James og André Drummond, báðir með 19 stig. Drummond náði tvöfaldri tvennu þar sem hann var einnig með 11 fráköst.
Sex leikir til viðbótar fóru fram í NBA-deildinni í nótt.
Öll úrslit næturinnar:
LA Lakers - Toronto 114:121
San Antonio - Philadelphia 111:113
Oklahoma - Phoenix 120:123
Houston - New York 97:122
Dallas - Sacramento 99:111
Charlotte - Miami 111:121
Boston - Portland 119:129