Bogdanovic með 48 stig í sigri

Bojan Bogdanovic fór á kostum í gær.
Bojan Bogdanovic fór á kostum í gær. AFP

Króatíski framherjinn Bojan Bogdanovic átti sannkallaðan stórleik fyrir Utah Jazz þegar liðið bar sigurorð af Denver Nuggets í NBA-deildinni í körfuknattleik í nótt. Þá heldur Kamerúninn Joel Embiid áfram að spila vel fyrir Philadelphia 76ers.

Bogdanovic skoraði hvorki meira né minna en 48 stig, auk þess að taka átta fráköst í 127:120 sigri.

Í liði Denver léku Michael Porter Jr. og Serbinn Nikola Jokic afar vel. Porter Jr. endaði með 31 stig og tók sex fráköst, en Jokic náði tvöfaldri tvennu; gerði 24 stig, gaf 13 stoðsendingar og tók níu fráköst.

Philadelphia vann svo nauman 109:107 sigur gegn New Orleans Pelicans þar sem Embiid reyndist liðinu ákaflega mikilvægur, og það ekki í fyrsta sinn.

Hann var með tvöfalda tvennu; skoraði 37 stig og tók 13 fráköst.

Alls fóru 10 leikir fram í NBA-deildinni í nótt.

Öll úrslit næturinnar:

Utah – Denver 127:120

Philadelphia – New Orleans 109:107

Chicago – Boston 121:99

Charlotte – Orlando 122:112

Miami – Minnesota 121:112

Milwaukee – Houston 141 – 133

Dallas – Cleveland 110:90

Sacramento – San Antonio 104:113

Portland – LA Lakers 106:101

Phoenix – New York 128:105

mbl.is
Fleira áhugavert
Fleira áhugavert