Martin Hermannsson bar af þegar lið hans Valencia tapaði 79:93 gegn stórveldinu Real Madríd í spænsku úrvalsdeildinni í körfuknattleik karla í kvöld.
Martin var stigahæstur allra í leiknum með 20 stig, auk þess sem hann tók tvö fráköst og gaf sex stoðsendingar fyrir liðsfélaga sína.
Valencia hefur farið nokkuð rólega af stað á tímabilinu þar sem liðið hefur unnið tvo af fimm leikjum sínum í deildinni til þessa.
Real Madríd hefur hins vegar unnið alla fimm leiki sína hingað til.