Martin stigahæstur í sigri

Martin Hermannsson átti stórleik fyrir Valencia í kvöld.
Martin Hermannsson átti stórleik fyrir Valencia í kvöld. Ljósmynd/@YarisahaBasket

Martin Hermannsson átti frábæran leik þegar lið hans, Valencia, sigraði MoraBanc Andorra 76:75 í spænsku ACB-deildinni í körfubolta í kvöld.

Martin var stigahæstur sinna manna en hann var með 20 stig ásamt því að eiga sex stoðsendingar og taka þrjú fráköst.

Martin reyndist líka heldur betur dýrmætur í lok leiks en hann setti niður þrjú vítaskot þegar minna en mínúta var eftir og allt í járnum. 

Með sigrinum fer Valencia upp í sjötta sæti deildarinnar með fjóra sigra eftir sjö umferðir.

mbl.is
Fleira áhugavert
Fleira áhugavert