Allir leikmenn og þjálfarar karlaliðs Hattar í körfubolta eru komnir í sóttkví eftir að kórónuveirusmit greindist í leikmannahópi liðsins.
Leik Hattar og Fjölnis, sem átti að fara fram á morgun, hefur verið frestað vegna þessa.
Í fréttatilkynningu Hattar kemur fram að smitaðir leikmenn liðsins séu við góða heilsu og með væg einkenni.
Höttur er í öðru sæti 1. deildarinnar með 16 stig eftir níu leiki.