Körfuknattleiksmaðurinn Dagur Kár Jónsson hefur rift samningi sínum við spænska félagið Ourense vegna persónulegra ástæðna.
Dagur staðfesti tíðindin við Karfan.is í dag. Hann kveðst ekki vita hvert næsta skref verður en hann kom til Ourense frá Grindavík í október á síðasta ári.
Dagur skoraði 10 stig, tók 2 fráköst og gaf 2 stoðsendingar að meðaltali í leik með Ourense í þriðju efstu deild Spánar.
Dagur Kár er 26 ára gamall skotbakvörður sem er uppalinn hjá Stjörnunni en hefur lék með Grindavík frá árinu 2016, að undanskildu tímabilinu 2018/2019 þegar hann lék með Flyers Wels í austurrísku 1. deildinni, þar til hann fór til Spánar.