Einn besti leikmaður NBA-deildarinnar í körfubolta á tímabilinu, Ja Morant, sem leikur með Memphis Grizzlies er meiddur og verður mögulega ekki meira með.
Liðið er 3:1-undir í undanúrslitaeinvígi Vesturdeildarinnar gegn Golden State Warriors en Morant gat ekki leikið fjórða leik liðanna vegna eymsla í hné. Fyrir það hafði hann skorað rúmlega 38 stig að meðaltali í fyrstu þremur leikjunum.
Nú er komið í ljós að meiðslin eru alvarlegri en í fyrstu var talið. Beinmar er í hægra hnéi leikmannsins og verður hann líklega ekki meira með á tímabilinu. Ljóst er að hann verður að minnsta kosti ekki meira með í einvíginu gegn Golden State.