Martin Hermannsson og samherjar hans hjá Valencia máttu þola 79:80-tap á heimavelli gegn Baskonia í fyrsta leik liðanna í átta liða úrslitum um spænska meistaratitilinn í körfubolta í kvöld.
Íslenski leikstjórnandinn lék aðeins í fjórar mínútur í kvöld og tók eitt frákast. Hann hefur verið að glíma við meiðsli undanfarnar vikur.
Annar leikurinn fer fram á heimavelli Baskonia næstkomandi laugardag. Tvo sigra þarf til að fara áfram í undanúrslitin.