Miami Heat og Boston Celtics mætast í hreinum oddaleik um sæti í úrslitum NBA-deildarinnar í körfubolta. Þetta varð ljóst eftir 111:103-útisigur Miami í Boston í nótt. Staðan í einvíginu er 3:3.
Gestirnir úr Miami voru yfir nánast allan tímann og var staðan í hálfleik 48:46. Miami vann svo þriðja leikhlutann 34:29 og tókst Boston ekki að jafna í fjórða leikhluta.
Jimmy Butler fór hamförum hjá Miami og skoraði 47 stig, tók 9 fráköst og gaf 8 stoðsendingar. Kyle Lowry skoraði 18 stig og gaf 10 stoðsendingar. Jasyson Tatum skoraði 30 stig og tók 9 fráköst fyrir Boston og Derrick White skoraði 22.
Oddaleikurinn fer fram sunnudagsnótt í Miami og sigurliðið leikur við Golden State Warriors í úrslitum.