Bakvörðurinn Hilmar Pétursson spilaði 20 mínútur í 88:81 tapi Münster gegn Phoenix Hagen í fyrstu umferð í næstefstu deild í þýska körfuboltanum í dag.
Hilmar skoraði átta stig og var að auki með tvö fráköst og tvær stoðsendingar.
Staðan var hnífjöfn, 75:75, eftir fjóra leikhluta og fór viðureignin því í framlengingu þar sem heimamenn í Phoenix skoruðu 13 stig gegn 6 stigum gestanna.
Gestirnir voru með yfirhöndina alveg fram að fjórða leikhluta en þá tókst heimamönnum að vinna upp fjögurra stiga forskot Münster og unnu að lokum í framlengingu.