Leik Ármanns og Þórs frá Akureyri, sem átti að fara fram í 1. deild karla í körfuknattleik í kvöld, hefur verið frestað til morguns vegna varasamra aðstæðna á Norðurlandi.
Frá þessu er greint í tilkynningu frá KKÍ.
Leikurinn, sem átti að fara fram í íþróttahúsi Kennaraháskólans í kvöld, fer þess í stað fram á morgun, laugardaginn 21. janúar, klukkan 16.
Aðstæður til þess að ferðast frá Akureyri eru ekki nægilega góðar og því þurfti að fresta leiknum um einn dag.