Fjölnir sótti sigur í Smárann
Setja bókamerki
Fjölnir vann góðan sigur á Breiðabliki, 73:72, í Smáranum í Kópavogi í Subway-deild kvenna í körfubolta í kvöld.
Fjölnir byrjaði leikinn betur og leiddi með sex stigum í hálfleik. Þá kom hins vegar góður þriðji leikhluti frá Breiðabliki sem leiddi með tveimur stigum fyrir síðasta leikhlutann. Þá hrökk Fjölnisliðið aftur í gang og vann að lokum nauman eins stigs sigur. Birgit Ósk Snorradóttir fékk tækifæri til að jafna metin af vítalínunni á síðustu sekúndu leiksins en hún setti einungis tvö vítaskot niður af þremur.
Brittany Dinkins lék sinn fyrsta leik fyrir Fjölni í kvöld og endaði sem stigahæsti leikmaður liðsins með 21 stig, líkt og Simone Sill. Dinkins tók einnig sjö fráköst, gaf fjórar stoðsendingar og stal boltanum fimm sinnum. Sill tók 11 fráköst í leiknum.
Hjá Breiðabliki var Sanja Orozovic stigahæst með 26 stig ásamt því að taka sjö fráköst.
Eftir sigurinn er Fjölnir með tíu stig í sjötta sæti deildarinnar. Breiðablik er einu sæti neðar, með sex stig.
Gígbarmurinn hækkað frá því í gær
Árshátíð ríkislögreglustjóra haldin í Tékklandi
„Umsátursástand“
Æskuvinur Íslendings myrtur í Noregi
Vélsleðaslys: Þyrlan kölluð út á mesta forgangi
Banna mengandi búnað sem leyfður er á Íslandi
„Hvílir mikil leynd yfir þessu öllu“
Vona að Orkustofnun veiti ekki virkjunarleyfi