Sara Rún Hinriksdóttir, landsliðskona í körfuknattleik, var stigahæst hjá liði sínu Faenza þegar það mátti sætta sig við tap fyrir Campobasso, 59:73, í ítölsku úrvalsdeildinni í kvöld.
Sara Rún skoraði 18 stig, tók eitt frákast og gaf eina stoðsendingu á tæpum 22 mínútum hjá Faenza í kvöld.
Var hún næststigahæst í leiknum.
Faenza siglir lygnan sjó í deildinni þar sem það er í níunda sæti af fjórtán liðum með 12 stig eftir 18 leiki.