Lakers tapaði en LeBron 36 stigum frá metinu
Setja bókamerki
LA Lakers mátti sætta sig við naumt tap, 126:131, fyrir New Orleans Pelicans í NBA-deildinni í körfuknattleik í nótt. LeBron James átti enn einn stórleikinn og nálgast met Kareems Abdul-Jabbars yfir flest stig skoruð óðfluga.
LeBron skoraði 27 stig, tók níu fráköst og gaf sex stoðsendingar og er nú aðeins 36 stigum frá því að slá met Abdul-Jabbars yfir flest skoruð stig í sögu NBA-deildarinnar.
Stigahæstur í liði Lakers var Anthony Davis með 34 stig og 14 fráköst.
Stigahæstur í leiknum var hins vegar Brandon Ingram með 35 stig fyrir New Orleans.
New Orleans hafði tapað tíu leikjum í röð fyrir leikinn í nótt og var sigurinn því afar kærkominn.
Grikkinn magnaði Giannis Antotokounmpo var með þrefalda tvennu fyrir Milwaukee Bucks þegar liðið hafði betur gegn Miami Heat, 123:115.
Hann skoraði 35 stig, tók 15 fráköst og gaf 11 stoðsendingar og var stigahæstur í leiknum.
Jimmy Butler var stigahæstur í liði Miami með 32 stig og átta fráköst.
Öll úrslit næturinnar:
New Orleans – LA Lakers 131:126
Milwaukee – Miami 123:115
Brooklyn – Washington 125:123
Detroit – Phoenix 100:116
New York - LA Clippers 128:134 (frl.)
Chicago – Portland 129:121
Oklahoma – Houston 153:121
Golden State – Dallas 119:113
Denver – Atlanta 128:108
/frimg/1/48/52/1485260.jpg)
Ölfusárbrú opnuð aftur eftir bílslys
Niðurstaða MDE kallar á breytingar
Segir óábyrgt að skipta út öllu bankaráðinu
Mikil skjálftavirkni á landinu áhyggjuefni
„Við eigum hvergi heimili“
Aðhald, frestun og eignasala
Skrítin menning í bankanum
Allar rúður brotnar hjá Fiskikónginum