Ísland fékk erfiðan drátt
Íslenska kvennalandsliðið í körfuknattleik fær verðugt verkefni í undankeppni Evrópumótsins 2025 þar sem liðið dróst í F-riðil undankeppninnar.
Ísland mætir Tyrklandi, Slóvakíu og Rúmeníu en undankeppnin hefst í nóvember á þessu ári og henni lýkur í febrúar 2025.
Tyrkland er í 14. sæti heimslistans, Slóvakía er í 28. sæti og Rúmenía er 54. sætinu en Ísland er í 65. sætinu.
Lokakeppnin, Eurobasket, fer fram á Ítalíu, í Grikklandi, Tékklandi og Þýskalandi sumarið 2025 en Ísland var í sjöunda styrkleikaflokki þegar dregið var í undankeppnina.
Dráttinn í heild sinni má sjá hér fyrir neðan.
A-riðill: Spánn, Króatía, Holland, Austurríki.
B-riðill: Ungverjaland, Slóvenía, Búlgaría, Finnland.
C-riðill: Belgía, Pólland, Litháen, Aserbaídsjan.
D-riðill: Bretland, Svíþjóð, Danmörk, Eistland.
E-riðill: Frakkland, Lettland, Ísrael, Írland.
F-riðill: Tyrkland, Slóvakía, Rúmenía, ÍSLAND.
G-riðill: Serbía, Úkraína, Portúgal, Norður-Makedónía.
H-riðill: Bosnía, Svartfjallaland, Sviss, Lúxemborg.
I-riðill: Ítalía, Grikkland, Tékkland, Þýskaland.
