„Þetta er búið að vera skrítið sumar,“ sagði Ólafur Ólafsson, fyrirliði Grindavíkur í körfubolta, í Fyrsta sætinu.

Ólafur, sem er 33 ára gamall, fór alla leið í úrslit Íslandsmótsins með Grindvíkingum á síðustu leiktíð þar sem liðið tapaði fyrir Val í oddaleik á Hlíðarenda en tímabilið í fyrra var vægast sagt skrítið fyrir Grindvíkinga vegna jarðhræringanna á Reykjanesskaga. 

Hefði þurft að vera lengur

Ólafur er einn þeirra sem þurfti að yfirgefa heimili sitt í Grindavík vegna jarðhræringanna og er búsettur í Njarðvík núna.

„Ég fór til útlanda með stórfjölskyldunni í sumar,“ sagði Ólafur.

„Það var í fyrsta skipti sem ég hugsaði ekkert um eldgos eða Grindavík. Það var gott að geta legið á sundlaugarbakkanum og þurfa ekki að pæla í neinu.

Við vorum þarna í tíu daga og ég hefði þurft að vera lengur held ég bara,“ sagði Ólafur meðal annars.

Hægt er að hlusta á umræðuna í heild sinni í spil­ar­an­um hér fyr­ir ofan eða með því að smella hér. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Góðvinur Arnars varaði hann við eftir komu Gylfa

• Ósammála landsliðsþjálfaranum um Gylfa Þór
• „Ert ekki að velta því fyrir þér þegar þú færð sparkið“
• „Menn láta misgáfulega hluti út úr sér“
• „Það er ekkert vont í samanburði við það að fæða barn“

» Fleiri tengdar fréttir

• Blogga um frétt