Í persónulegt leyfi vegna tengsla við Diddy?
Setja bókamerki
LeBron James, leikmaður Los Angeles Lakers í bandarísku NBA-deildinni í körfuknattleik, er kominn í leyfi af persónulegum ástæðum.
Þetta tilkynnti JJ Redick, þjálfari Lakers, á blaðamannafundi liðsins í vikunni en LeBron er lykilmaður í liði Lakers þrátt fyrir að vera orðinn 39 ára gamall og er af mörgum talinn einn besti körfuboltamaður sögunnar.
Hann missti af sínum fyrsta leik á tímabilinu á sunndaginn síðasta þegar Lakers mætti Portland í NBA-deildinni.
Hvað var LeBron að meina?
Fjölmiðlar vestanhafs hafa fjallað mikið um fjarveru James síðustu daga og MMA-kappinn Colby Covington er einn þeirra sem gagnrýndi James harðlega fyrir tengsl sín við tónlistarmanninn Sean „Diddy“ Combs á blaðamannafundi í vikunni.
„Það jafnast ekkert partí á við partí hjá Diddy,“ lét Lebron hafa eftir sér í myndbandi sem hann birti af sér og Combs fyrir fjórum árum síðan á samfélagsmiðlinum Instagram.
„Hvað var LeBron að meina með þessu? Hversu mörg Diddy-partí hefur hann eiginlega farið í,“ sagði Covington meðal annars á blaðamannafundi á miðvikudaginn síðasta en óvíst er hvenær LeBron snýr aftur á körfuboltavöllinn.
Gefur ekkert fyrir orð von der Leyen
Gæslan fær 60 milljónir í björgunarlaun
Minni gosmengun: Hæstu gildi yst á Reykjanesskaga
Lokuðu veginum að Bláa lóninu í mótmælaskyni
Formgalli útskýrir af hverju umsóknin er virk
Logandi gígum fækkar
Skelfileg tilfinning að sjá listann