Íþróttir | Körfubolti | mbl | 27.3.2025 | 14:07

Mæta Frakklandi, Ísrael og Belgíu á EM

Tryggvi Snær Hlinason og Martin Hermannsson áttu stóran þátt í að tryggja Íslandi sæti á EM þegar liðið vann glæsilegan sigur á Tyrkjum í Laugardalshöllinni í febrúar. mbl.is/Ólafur Árdal

Ísland verður í riðli með Frakklandi, Ísrael og Belgíu, auk Póllands og Slóveníu, í lokakeppni Evrópumóts karla í sumar.

Dregið var í riðlana við hátíðlega athöfn í Ríga í Lettlandi í dag.

Ísland er í D-riðli í Katowice í Póllandi en hinir þrír riðlarnir eru leiknir í Tampere í Finnlandi, Ríga í Lettlandi og Limassol á Kýpur. Útsláttarkeppnin frá 16-liða úrslitum fer fram í Ríga.

Fyrsti leikur íslenska liðsins í D-riðli fer fram 28. ágúst og sá fimmti og síðasti 4. september. Eftir það tekur útsláttarkeppnin við.

Riðlarnir sex verða þannig skipaðir:

A-riðill í Lettlandi: Serbía, Lettland, Tékkland, Tyrkland, Eistland, Portúgal.

B-riðill í Finnlandi: Þýskaland, Litáen, Svartfjallaland, Finnland, Bretland, Svíþjóð.

C-riðill á Kýpur: Spánn, Grikkland, Ítalía, Georgía, Bosnía, Kýpur.

D-riðill í Póllandi: Frakkland, Slóvenía, Pólland, Ísrael, Belgía, Ísland.

Fylgst var með drættinum í beinni textalýsingu sem sjá má hér fyrir neðan.