„Þetta var allt saman ógeðslegt“

Jalen Williams, leikmaður Oklahoma City Thunder, kveðst hafa bragðað áfengi í fyrsta sinn á ævinni í tilefni þess að lið hans vann NBA-meistaratitilinn í körfuknattleik í fyrrinótt.

Williams, sem er 23 ára gamall, var í stóru hlutverki hjá Oklahoma City þegar liðið varð NBA-meistari í fyrsta sinn, í annað sinn ef tekinn er með titill Seattle Supersonics árið 1979 þegar félagið var í annarri borg og hét öðru nafni.

„Ég sagði liðsfélögunum í byrjun ársins að ef okkur tækist að vinna titilinn myndi ég drekka. Ég fékk mér nokkur skot, kampavín og bjór. Þetta var allt saman ógeðslegt.

Ég ætla að halda mig við Shirley Temple-drykkinn. Ég get reyndar ekkert fullyrt um sigurhátíðina,“ sagði Williams í samtali við körfuboltamiðilinn ClutchPoints.

• Blogga um frétt