Valur Íslandsmeistari kvenna 2007
Setja bókamerki
Valskonur urðu í kvöld Íslandsmeistarar í knattspyrnu, annað árið í röð, með því að bursta Þór/KA, 10:0, í lokaumferð Landsbankadeildarinnar á Valbjarnarvelli. Margrét Lára Viðarsdóttir skoraði þrennu og varð langmarkahæst á nýju markameti með 38 mörk í 16 leikjum Valsliðsins.
Auk Margrétar skoraði Málfríður Erna Sigurðardóttir 2 mörk og þær Katrín Jónsdóttir, Vanja Stefanovic, Hallbera Gísladóttir, Nína Ósk Kristinsdóttir og Sif Atladóttir gerðu sitt markið hver.
KR vann Keflavík, 4:0, suður með sjó þar sem Hólmfríður Magnúsdóttir og Olga Færseth skoruðu sín tvö mörkin hvor.
Stjarnan vann ÍR, 5:0, í Mjóddinni þar sem Gunnhildur Jónsdóttir, Þórdís Pétursdóttir, Inga Birna Friðjónsdóttir, Björk Gunnarsdóttir og Harpa Þorsteinsdóttir skoruðu mörkin.
Breiðablik og Fylkir skildu jöfn, 2:2. Anna Björg Björnsdóttir og Ragna B. Einarsdóttir komu Fylki í 2:0 en Greta Mjöll Samúelsdóttir og Kathryn Moos jöfnuðu fyrir Blika undir lokin. Jill Mansfield í liði Breiðabliks fékk síðan rauða spjaldið á síðustu mínútu leiksins.
Valur fékk 46 stig, KR 43, Breiðablik 29, Keflavík 22, Stjarnan 21, Fylkir 13, Fjölnir 13, Þór/KA 13 og ÍR féll með 7 stig. Í stað ÍR koma HK/Víkingur og Afturelding upp í deildina en tíu lið leika í úrvalsdeild kvenna 2008.
Hernaðaraðstoð samþykkt – Vopnasendingar í vikunni
Skar höfuðleðrið af íslenskri konu
Vona að Orkustofnun veiti ekki virkjunarleyfi
„Skýr skilaboð til Seðlabankans“
„Það þarf að vinna mikinn fjölda upp“
Vélsleðaslys: Þyrlan kölluð út á mesta forgangi
„Okkur miðar í rétta átt“