MMA-bardagakappinn Conor McGregor snýr aftur í búrið 10. júlí þegar hann mætir Dustin Porier í Las Vegas í Bandaríkjunum.
Þetta staðfesti Dana White, forseti UFC, á dögunum en þetta verður þriðji innbyrðisbardagi þeirra félaga á ferlinum.
Þeir mættust fyrst í Las Vegas á UFC 178 í MGM-höllinni í Las Vegas í september 2014 þar sem McGregor hafði betur.
Þeir mættust svo aftur á UFC 257 í Abú Dabí í janúar 2021 þar sem Porier hafði betur í annarri lotu.
„Miðasala fyrir bardagann hefst í næstu viku,“ sagði White á blaðamannafundi í vikunni.
„Alls verða 20.000 miðar seldir og höllin verður því fullnýtt fyrir áhorfendur,“ bætti White við.