Mikael Leó Aplicen tryggði sér sæti í undanúrslitum á heimsbikarmóti áhugamanna í blönduðum bardagalistum í Prag í Tékklandi í dag.
Mikael Leó, sem er 18 ára, vann öruggan sigur gegn Marek Zachar frá Slóvakíu í átta manna úrslitum en hann keppir í 61kg flokki, bantanvigt, í flokki 18-21 árs.
Hann mætir Otabek Rajabov frá Tadsíkistan í undanúrslitum á morgun en heimsbikarmótið er haldið af alþjóða MMA sambandinu, IMMAF, og er þetta í fyrsta sinn sem heimsbikarmót fer fram á vegum sambandsins.