Alistair og Jonny Brownlee urðu fyrstu bresku bræðurnir til að enda í fyrsta og öðru sæti á Ólympíuleikum í sömu grein. Bræðurnir kepptu til úrslita í þríþraut í dag í sjóðandi hita á Copacabana-ströndinni.
Þeir voru hnífjafnir í 10 kílómetra hlaupinu þangað til eldri bróðirinn Alistair náði forskotinu. Hann kom sex sekúndum á undan Jonny í mark og hreppti gullverðlaun í þríþraut.
Alistair varð þar með fyrsti keppandinn í þríþraut sem ver titilinn á Ólympíuleikum en hann varð einnig ólympíumeistari á síðustu leikum. Þetta er aðeins í tólfta sinn sem bræður eða systur enda í fyrsta og öðru sæti í grein á Ólympíuleikum.