Íslenskir handboltaþjálfarar njóta mikillar virðingar enda talar árangurinn sínu máli. Dagur Sigurðsson og Guðmundur Þórður Guðmundsson eru báðir komnir með lið sín, Þýskaland og Danmörku, í undanúrslit handboltakeppni karla á Ólympíuleikunum í Ríó.
Þýskaland mætir heims- og ólympíumeisturum Frakklands kl. 18.30 í dag og Danmörk mætir Póllandi kl. 23.30.
Morgunblaðið ræddi við lærisveina Dags og Guðmundar, þá Mikkel Hansen frá Danmörku og Fabian Wiede frá Þýskalandi, til að forvitnast um álit þeirra á þjálfurunum og hvernig væri að starfa með þeim. Wiede kveðst hæstánægður með störf Dags og Hansen segir Guðmund alvarlegan en vel undirbúinn.
Sjá viðtöl við Hansen og Wiede í heild í íþróttablaði Morgunblaðsins í dag.