Heilbrigðisyfirvöld í Tókýó skýrðu frá því í dag að keppandi á Ólympíumóti fatlaðra hefði verið fluttur á sjúkrahús á þriðjudaginn vegna veikinda af völdum kórónuveirunnar og væri þar ennþá.
Jafnframt kom fram að hann væri ekki alvarlega veikur en þyrfti að dvelja áfram á sjúkrahúsinu. Fimmtán ný kórónuveirusmit sem tengjast Ólympíumótinu voru greind í dag, að sögn NHK, ríkissjónvarpsstöð Japan, og samtals hafa verið greind 275 smit sem tengjast mótinu, starfsfólki og keppendum, frá því það hófst 24. ágúst.