Nikolaj Jacobsen, þjálfari karlaliðs Danmerkur í handknattleik, neyðist til að gera tvær breytingar á leikmannahópi sínum fyrir leikinn gegn Argentínu á Ólympíuleikunum í París annað kvöld. 

Danir mæta Argentínumönnum í þriðju umferð Ólympíuleikana en danska liðið hefur farið vel af stað og er með fullt hús stiga eftir tvo sterka sigurleiki gegn heimamönnum Frökkum og Egyptum. 

Báðir línumenn danska liðsins verða fjarverandi gegn Argentínu á morgun en Magnus Saugstrup og Simon Hald meiddust gegn Egyptum í gær. 

Magnus Saugstrup er lykilmaður í danska landsliðinu. AFP/Damien Meyer

Það kom fljótlega í ljós að meiðsli Hald væru alvarlega. Vonast var til þess að Saugstrup gæti tekið þátt í næsta leik en svo verður ekki. 

Jacobsen segist vona að hann geti tekið þátt síðar í keppninni, en að það sé ekki ljóst. 

Línumaðurinn Lukas Jörgensen og skyttan Lasse Andersson koma inn í þeirra stað. 

Simon Hald ásamt Frakkanum Luka Karabatic. AFP/Damien Meyer

Tengdar fréttir

Ólympíuleikarnir í París

Setti Íslandsmet á Paralympics og undirbýr nú stórtónleika

• Stjarnan ólétt og Þórir vissi ekki neitt
• Missti af jarðarför föður síns
• Vann ólympíugullið ólétt
• Sænsk vonarstjarna í þriggja mánaða bann

» Fleiri tengdar fréttir

• Blogga um frétt