Ástralski sundþjálfarinn Brett Hawke segir kínverska sundkappann Pan Zhanle sekan um notkun ólöglegra lyfja.

Zhanle var heilli sekúndu fljótari en næstu menn þegar hann tryggði sér gullverðlaun í hundrað metra skriðsundi og bætti eigið heimsmet á Ólympíuleikunum í París á miðvikudaginn.

Hawke er sjálfur Ólympíufari og í myndbandi á Instagram síðu hans segist hann vera reiður eftir sundið.

„Ég hef fylgst með besta sundfólki heims í þrjátíu ár og er sérfræðingur í íþróttinni. Ég er reiður vegna þess að þú getur ekki verið heilli líkamslengd á undan næsta manni í hundrað metra skriðsundi. Það er ekki mögulegt fyrir nokkurn mann“, segir Hawke meðal annars.

Eldræðu Hawke má sjá hér að neðan.

Tengdar fréttir

Ólympíuleikarnir í París

Setti Íslandsmet á Paralympics og undirbýr nú stórtónleika

• Stjarnan ólétt og Þórir vissi ekki neitt
• Missti af jarðarför föður síns
• Vann ólympíugullið ólétt
• Sænsk vonarstjarna í þriggja mánaða bann

» Fleiri tengdar fréttir

• Blogga um frétt